Home  >  Fotogalerie  >  Schulreise 1. Klasse Bodensee, Juni 2016

Schulreise 1. Klasse Bodensee, Juni 2016

Ösi Schuälrääs

Viel zfrüä am Morgä simmer am Bahnhof gstandä und händ mösä uf dä Zug warte wo üs uf Altstettä brocht hät. Leider isch dä Wagä wo mer dussä cha sitzä nöd agschlossä gsi und nomel leider hämmer nur ein Wagä für üs gha. Drumm isch es ziemli luut und äng wordä wa üs persönlich nöd gstört hät. Z’Altstättä acho hämmer mösä zimlich pressiärä, das mer dä Bus no verwütscht händ, sus hetämer mösä an SBB Bahnhof laufä. Dänn hämmer no chli mösä mit äm Zug und äm Bus fahrä und scho simmer vor äm Hundertwasserhuus gstandä. Da simmer dänn go aaluägä. Dänn simmer vo Staad bis uf Rorschach id Badi gloffä und vor dä Badi hämmer dänn ali no Zmittag gässä am See inkl. Füürli. I dä Badi isch dänn no öppert däzuä cho. I dä Badi simmer vom 5-, 3- und 1-Meter in See gsprungä, wa mega lustig gsi isch. Äs hät au ä mega tolli Rutschbahn gha wo mer fascht vom Badmeister usägschmissä wordä wäräd. Scho bald hämmer leider wieder mössä fürä zum Schiff laufä. Döt hät öppert ä Kamera däbii gha und mir händ di tollschtä Fotis gmacht. So isch d‘ Schiffsfahrt wiä im Flug vergangä. In Rhineck aacho hämmer ali ä Glace überchoo und sind dänn singänd im Zug uf Altstätte gsässä. Z’Altstättä simmer dänn alli ziemlich noch Rauch stinkend aber super gluunät z’Gais aacho…     

 
 

Oberstufe Bühler-Gais
Schulhausstrasse 1
9056 Gais
+41 71 791 80 80
anais.bleiker@gais.ar.ch